ტერორისტული დაჯგუფება “ისლამური სახელმწიფო”-ს მებრძოლებმა პალმირაში ისტორიული რომაული ამფიტეატრის ტეტრაპილონი გაანადგურა. ამის შესახებ ინფორმაციას UNESCO ავრცელებს.

UNESCO-ს გენერალური დირექტორის, ირინა ბოკოვას განცხადებით, აღნიშნული ფაქტი “ომის დანაშაულია” და ამფითეატრის განადგურება სირიელი ხალხისა და კაცობრიობისთვის დიდი დანაკლისია.

“ტეტრაპილონი იყო პალმირას გახსნილობისა და მასთან შეხვედრის სიმბოლო – სწორედ ესაა მიზეზი, რის გამოც ის მებრძოლებმა გაანადგურეს. მისი ადგილმდებარეობა და ფორმა უნიკალურია ანტიკურ არქიტექტურაში და ირეკლავს პალმირას იდენტობას, როგორც თითოეული სირიელის ღირსების წყაროს,” – აღნიშნა ბოკოვამ.

პალმირას ამფითეატრი ა.წ. 2-ე საუკუნით თარიღდება. “ისლამურმა სახელმწიფომ” პალმირა პირველად 2015 წლის მაისში დაიკავა, რის შემდეგაც იქ სხვა იტორიული მონუმენტები გაანადგურა.

Show Buttons
Share On Facebook
Share On Twitter
Share On Google Plus
Share On Linkedin
Hide Buttons

Powered by Watch Dragon ball super